Wednesday, March 2, 2011

ബോംബ്‌ നിര്‍മാതാക്കളെ ആവശ്യമുണ്ട്


സംസ്ഥാനത്തെ വിവിധ രാഷ്ട്രിയ പാര്‍ട്ടികള്‍ക്കും മതവര്‍ഗീയ  സംഘടനകള്‍ക്കും ആവശ്യമായ ബോംബുകള്‍ നിര്‍മിക്കാന്‍ കരാര്‍ അടിസ്ഥാനത്തില്‍ ആളുകളെ ആവശ്യം ഉണ്ട്.  തൊഴിലാളികള്‍ക്ക് രാഷ്ട്രിയ പശ്ചാത്തലം നിര്‍ബന്ധമല്ല. കരാര്‍ കാലയളവില്‍ ചിലപ്പോള്‍ പല പാര്‍ടികള്‍ക്കും വേണ്ടി ജോലിചെയ്യാന്‍ തയ്യാറായിരിക്കണം. പ്രായം പതിനെട്ടിനും ഇരുപത്തിഅഞ്ചിനും മദ്ധ്യേ.  ഈ രംഗത്ത് മുന്‍പരിചയം ഇല്ലാത്തവര്‍ക്കും അപേക്ഷിക്കാം. വെടിക്കെട്ട്‌,പടക്കനിര്‍മാണ ശാലകള്‍ എന്നിവിടങ്ങളില്‍ പ്രവൃത്തി പരിചയം ഉള്ളവര്‍ക്ക് മുന്‍ഗണന. അല്‍ ഖ്വയ്ത, ലഷ്കര്‍ ഇ തോയ്ബ, സിമി, തുടങ്ങിയ സംഘടനകളില്‍ നിന്നുള്ള വിസിറ്റിംഗ് പ്രൊഫസര്‍മാരുടെ നേതൃത്വത്തില്‍ ബോംബ്‌ നിര്‍മാണത്തിന് പ്രത്യേക പരിശീലന ക്ലാസുകള്‍ ലഭിക്കുന്നതായിരിക്കും.നാടന്‍ ബോംബുകള്‍, സ്റ്റീല്‍ ബോംബുകള്‍, പെട്രോള്‍ ബോംബുകള്‍, തുടങ്ങി പലതരം മേഖലകളില്‍ പരിശീലനം ലഭ്യമാണ്.  ഏതെങ്കിലും പ്രാദേശിക നേതാവിന്റെ പുരയിടത്തിനു സമീപമുള്ള ഒഴിഞ്ഞ പറമ്പാകും ജോലിസ്ഥലം.  സീസണ്‍ അനുസരിച്ച് ജോലി കൂടിയും കുറഞ്ഞും ഇരിക്കും. താമസവും ഭക്ഷണവും മദ്യവും സൌജന്യം. രാഷ്ട്രിയ പാര്‍ടികള്‍ക്ക് കൊടിമരം നശിപ്പിക്കപ്പെടുക, പോസ്റ്റര്‍ കീറപ്പെടുക തുടങ്ങിയ അടിയന്തിര ആവശ്യങ്ങളില്‍ കൃത്യസമയത്ത് തന്നെ ബോംബുകള്‍ തയ്യാറാക്കി കൊടുക്കാന്‍ സാധിക്കണം. ഇലക്ഷന്‍ സമയത്തും ഏതെങ്കിലും രാഷ്ട്രിയ നേതാവോ പാര്‍ട്ടിയോ കുഴപ്പത്തില്‍ പെടുംപോഴോ  ശ്രദ്ധതിരിക്കാന്‍ വേണ്ടിയോ വര്‍ഗീയ ലഹളകള്‍ക്ക് തുടക്കം കുറിക്കാനൊ ഓകെ ഉപയോഗിക്കപെടുന്നതിനാലും നിര്‍മാണസമയത്ത് ബോംബ്‌ പൊട്ടി തൊഴിലാളികള്‍ കൊല്ലപെടുന്നത് പതിവായതിനാലും ഈ രംഗത്ത്  ജോലി സാധ്യത വര്‍ധിച്ചുവരികയാണ്. താല്പര്യം ഉള്ളവര്‍ പൂരിപ്പിച്ച അപേക്ഷയും പത്രത്തില്‍ കൊടുക്കാന്‍ പറ്റിയ തരം ഫോട്ടോയും സ്വന്തം ജീവിതകഥയുടെ ചെറുസംഗ്രഹവും അടക്കം ഞങ്ങളുടെ ഏജന്‍സിയുമായി ബന്ധപ്പെടുക. 
NB: പിടിക്കപെടുകയോ അപകടം സംഭവിക്കുകയോ ചെയ്‌താല്‍ ഏജന്‍സി ഉത്തരവാദികള്‍ അല്ല.  

7 comments:

  1. ഇത് കുറച്ചു കടുപ്പം ആണേ..ഇന്‍ഷുര്‍ എങ്കിലും ചെയ്യണം...

    ReplyDelete
  2. കണ്ണൂരുള്ള സഖാക്കള്‍ തിരക്കിലാണ് ...കേരളത്തില്‍ മറ്റുള്ളിടങ്ങളില്‍ ഈ തൊഴില്‍ അറിയാവുന്നവര്‍ വളരെ കുറവാണ് ..ചുവന്ന കൊടിയുള്ള ഏതെങ്കിലും ഒരു പാര്‍ട്ടി ഓഫീസുമായി ബന്ധപ്പെട്ടു നോക്കൂ ...:)

    ReplyDelete
  3. അവിടെയും കിട്ടി ചുവപ്പിന്റെ നെഞ്ചിനിട്ടു . . .
    ഇങ്ങനെ സെല്‍ഫ് ഗോള്‍ അടിച്ചോണ്ടിരുന്നാല്‍ എന്നെ ഇപ്പൊ തരം താഴ്ത്തും

    ReplyDelete
  4. http://keralalands.blogspot.com/
    13 ലക്ഷത്തിന് 77 സെന്റും വീടും... ഉടൻ വിൽ‌പ്പനയ്ക്ക്

    ReplyDelete
  5. now it looks like the competetion is btween red and green, nammude saffron karude avesham okke poya mattanu,

    ReplyDelete
  6. ആര്‍ എസ്സ് എസ്സിലോ വിശ്വ ഹിന്ദു പരിഷത്തിലോ ബജ്രന്ഗ് ദളിലോ ഏറ്റവും കുറഞ്ഞത്‌ നാദാപുരത്തെ ലീഗിലോ പ്രവര്‍ത്തിച്ച പരിചയം അയാളും പോരെ....?????

    ReplyDelete

Related Posts Plugin for WordPress, Blogger...